Yenə komandamla bir araya gəldik. Yeni mahnımla yanaşı, fotosessiyamı da sevənlərimə təqdim edirəm.

Bu sözləri müğənni Günay İbrahimli "Biri var orda" adlı yeni mahnısı haqda Axar.az-a danışarkən deyib. O, mahnının reytinq qazanacağına inandığını deyib:

"Mahnı əsl yay ab-havasına uyğundur. Mövsüm boyu seviləcəyinə inanıram. Fotolarımı Fərhad Əhmədov çəkib. Çəkilişdə saç düzümümü özüm etmişəm. 4 geyimdən istifadə olunub, dəb məsləhətçim Elnarə Bəkirovadır. Əziyyəti keçən hər kəsə, prodüserim Sevinc Hüseynovaya təşəkkürümü bildirirəm".

Qeyd edək ki, mahnının sözləri və musiqisi Zülfi Bədəlova, aranjimanı Elvin Musayevə məxsusdur.