Bakının mərkəzi küçələrindən birində qeydə alınan bu yol qəzası Daxili İşlər Nazirliyinin "Təhlükəsiz şəhər" Avtomatlaşdırılmış İdarəetmə Mərkəzinin kameralarına düşüb.

"Avtosfer.az"ın yaydığı kadrlarda "Hunday Sonata" markalı avtomobil "Lexus" markalı avtomobilə çırpılır və "Lexus" idarəetmədən çıxaraq aşır.

Qəzanın başvermə səbəbi: svetafor və ya hər hansı yol nişanı olmadığından, "Sonata"nın sürücüsü sağdan hərəkətdə olan "Lexus"a yol verməli idi. Çünki diqqətlə baxdıqda görünür ki, "Lexus"un sürücüsü keçid üstünlüyünün onda olduğunu düşündüyü üçün sakit şəkildə hərəkət edir. "Sonata" isə qəflətən yola çıxaraq onu sağdan vurub aşırdır.