Qarşıdakı aylarda avtomobillərin qiyməti ucuzlaşacaq. Bu ucuzlşama özünü ikinci əl avtomobilərdə göstərəcək. Ekspertlər belə avtomobillərin qiymətinin 10-15 faiz enəcəyini bildirirlər.

Axar.az Xəzər Xəbər-ə istinadən bildirir ki, bu proqnozla əmlak bazarı üzrə ekspert Vaqif Hüseynov çıxış edib. Onun sözlərinə görə, qiymətlərin ucuzlaşmasına əsas səbəb hazırki vəziyyətdə alıcılıq səviyyəsinin aşağı olmasıdır. Ekspert qeyd edir ki, 10 min manata qədər olan avtomobillərin qiyməti təxminən 1000-1500 manata qədər düşəcək.

Dəyəri 20 min manat civarında olan avtomobillərə əsasən taksi bazarında tələbat olduğu üçün qiymətlər nisbətən stabil qalacaq. Yeni avtomobillərin qiymətinin ucuzlaşması isə praqnozlaşdırılmır.

Ekpsert həmçinin onu da bildirib ki, hazırda avtomobil bazarında bəzi satıcılar qiymətləri süni şəkildə artırdığından praqnozlaşdırılan qiymət ucuzlaşması da əslində avtomobillərin ''real baha qiymətinə'' düşməsi deməkdir.