Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
18 Dekabr 2017


Adımı siyahıya Heydər Əliyev saldı... – Yazıçı

Ana səhifə Kult Ədəbiyyat
12 Punto 14 Punto 16 Punto 18 Punto

Bu gün qocaman yazıçı Vidadi Babanlının 90 yaşı tamam olur.

Axar.az xəbər verir ki, o, 1927-ci il yanvarın 5-də Qazax rayonunun Şıxlı kəndində anadan olub. Burada orta məktəbi bitirdikdən sonra ADU-nun Filologiya fakültəsində təhsil alıb. Bir il Sabirabad şəhər orta məktəbində müəllim işləyən Vidadi Babanlı Bakıya köçərək “Azərbaycan müəllimi” qəzeti redaksiyasında çalışıb.

O, müxtəlif illərdə “Azərbaycan” jurnalı redaksiyasında nəsr şöbəsində müdir, C.Cabbarlı adına “Azərbaycanfilm” kinostudiyasının dublyaj şöbəsində baş redaktor əvəzi, “Yazıçı” nəşriyyatında baş redaktor müavini vəzifəsində işləyib.

“Həyat bizi sınayır”, “Ayazlı gecələr”, “Müqəddəs ocaq”, “Ömürlük cəza” və başqa kitabların müəllifi olan yazıçı daha çox “Vicdan susanda” romanı ilə məşhurdur.

1986-cı ildə “Əməkdar incəsənət xadimi” fəxri adını alan Vidadi Babanlı 2001-ci ildə Prezident təqaüdünə layiq görülüb.

Vidadi Babanlı ondan xüsusən iki mövzu barədə tez-tez soruşulduğunu deyir: biri “Vicdan susanda” romanı, digəri fəxri ad məsələsi... Səməd Vurğunun “Vidadini itirmişdik, tapdıq...” dediyi qocaman yazıçı fəxri ad sualını belə cavablandırır:

“Mənə xalq yazıçısı adını verməyiblər. Elə adamlara bu adı veriblər ki, onların da yaradıcılığına baxırsan, öz yaradıcılığına da baxırsan və xətrinə dəyir ki, niyə məni kənarda qoyublar. Mən aşağıları günahlandırıram ki, bu təqdimatlar aşağılardan gedir, onlar gərək təqdim eləsinlər. Bu münasibətdən incimişəm. Camaat da bunu məndən dəfələrlə soruşur ki, niyə diqqətdən kənarda qalıbsan. Mən də deyirəm ki, bilmirəm bunun səbəbini. Məni aşağılarda sevməyənlər var və nəyə görəsə belə edirlər. Heydər Əliyevə Allah rəhmət eləsin. O, mənə Prezident təqaüdü verib. Bu təqaüdün verilməyi də qəribə olub. Siyahı ona təqdim ediləndə soruşub ki, Vidadi Babanlının adı niyə yoxdur? Ondan sonra təqaüd siyahısına mənim də adımı salıblar. 2001-ci ildən Prezident təqaüdü alıram, bu, mənə çox böyük köməkdir”.

Tarix
2017.01.05 / 16:38
Müəllif
Aqşin Evrən
Şərhlər
loading...
Digər xəbərlər

Bakıya sahib olsaq... – Göbbelsin müharibə qeydi

Leyla Əliyeva şeirlərini səsləndirdi - Foto

İki şairimiz nüfuzlu “Heca daşları”nda

Rusiyada üç şairimizə mükafat veriləcək

“On dördüncü adam” gün üzünə çıxdı - Foto

Erməni qadınlara dedi ki, donuz iyi verirsiniz...

“Kosmik irq” ideyasının müəllifi: Heç nə yerində deyil!

Statkiyeviç Kamal Abdullanın sirrini açdı

Erməni cinayətləri sistemləşdirildi – İlk dəfə

Rəsul Rza “Qəhrəman” adı alanda dedim ki... – Fikrət Qoca

KULT
<>
Xəbər xətti
 
  
  
  
  
Axar.az'da reklam Bağla
Reklam
Bize yazin Bağla