Türkiyə Avropa Parlamentinin qərarına baxmayaraq, terrorizmlə mübarizəni davam etdirəcək.

Axar.az xəbər verir ki, bunu jurnalistlərə açıqlamasında Türkiyənin Avropa Birliyi ilə İşlər üzrə naziri Ömər Çelik söyləyib. Onun sözlərinə görə, Türkiyəyə Suriya və İraqdan təhdidlərin gəldiyi çətin dövrdə Avropada bəsirətsiz və birtərəfli diskussiyalar aparılır:

"Bu hücumlar insanlığa qarşı yönəlib və biz geri çəkilməyəcəyik. Biz bir daha Avropa Parlamentinin qəbul etdiyi qərarı dəyərləndirəcəyik".

Qeyd edək ki, Avropa Parlamenti bu gün Türkiyənin Avropa Birliyinə üzvlüyü ilə bağlı müzakirələrin müvəqqəti dayandırılması haqqında qərar qəbul edib.