Yuxarı

Səfir: "Ermənistan Kremlin razılığını alaraq..." - Foto

Ana səhifə Gündəm
12 Punto 14 Punto 16 Punto 18 Punto

Macarıstanda çıxan nüfuzlu “Magyar Hirlap” qəzetinin internet səhifəsində Azərbaycanın bu ölkədəki səfiri Vilayət Quliyevlə “Azərbaycanda kədərli ildönümü” sərlövhəli müsahibə dərc edilib (Burada).

Axar.az xəbər verir ki, səfir bu qəzetin müxbiri Mariann Ori ilə söhbətində bildirib ki, Xocalı qırğını azərbaycanlıların qəlbində ölkə tarixinin ən kədərli səhifələrindən biridir.

Diplomat deyib: “Dağlıq Qarabağda fəal döyüş əməliyyatları dövründə erməni separatçıları tərəfindən Xocalı şəhərində törədilmiş faciə mahiyyət etibarilə bəşər tarixində nəinki Azərbaycan xalqının, həm də bütün dünya ictimaiyyətinin üzləşdiyi ən dəhşətli faciələrdən biridir”.

V.Quliyev bu fikri izah edərək bildirib ki, 1992-ci ildə Ermənistan Respublikasının rəhbərliyi əvvəlcədən Kremlin razılığını alaraq bütün beynəlxalq hüquq normalarını pozmaqla Azərbaycan Respublikasının ayrılmaz tərkib hissəsi olan Dağlıq Qarabağı Ermənistana birləşdirməyə çalışırdı. Bu qətliamın məqsədi ilk növbədə azərbaycanlıları vahiməyə salmaq idi. Xocalı Azərbaycanın ərazi bütövlüyü uğrunda mübarizə rəmzinə çevrildi. Səfir deyib: “Bakıda belə hesab edilir ki, Xocalı qırğını beynəlxalq hüquq baxımından qətliamdır”.

Qəzet V.Quliyevin aşağıdakı sözlərini sitat gətirir: “Bir azərbaycanlı kişi kimi Xocalı haqqında danışmaq mənim üçün çox çətindir. Biz hamımız – azərbaycanlı kişilər yaşımızdan və səhhətimizdən, rütbəmizdən və vəzifəmizdən asılı olmayaraq xalqımızın qarşısında, erməni güllələri və süngüləri altında həlak olmuş Xocalı qadınlarının və bu şəhərin uşaqlarının qarşısında borcluyuq...”.

Səfir vurğulayıb: “Biz bütün dünyaya göstərməliyik ki, bizimlə qonşuluqda yaşayan, ümumbəşəri dəyərlərlə hesablaşmadan insanları qətlə yetirən, əraziləri qarət edən, murdarlayan, həm bizə, həm də öz xalqına ziyan vuran ifrat radikal erməni millətçiləri sözün həqiqi mənasında əqidəsiz və əxlaqsız varlıqlardır, XXI əsrin vəhşiləridir. İkinci Dünya müharibəsi illərində məşhur çex jurnalisti Yulius Fuçikin etdiyi kimi, biz də daim insanları onların milli və dini mənsubiyyətindən asılı olmayaraq sayıqlığa çağırmalıyıq ki, dünya xəritəsində Xocalı kimi yeni odlu nöqtələr yaranmasın”.

Tarix
2017.02.27 / 19:02
Müəllif
Axar.az
Şərhlər
Digər xəbərlər

Nikol Tavuşda izah etdi: Bakı 4 kəndi istəyir, biz isə...

Stoltenberqin Bakı səfərinə Rusiyadan baxış

Bakı və İrəvan üçün sülh çox vacibdir - Video

Azərbaycan çox əhəmiyyətli ölkədir - Stoltenberq

Bu gün İlaxır çərşənbə qeyd olunur

Hikmət Hacıyev Çin rəsmiləri ilə görüşdü

Azərbaycan-İraq əlaqələri müzakirə olundu

Əliyev niyə Putinə təbrik zəngi etdi? – “Unudanların” diqqətinə

Ceyhun Bayramov Türkiyə xalqını təbrik etdi

Şeytan yuvası yerlə-yeksan edildi - Prezident

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla