Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
23 May 2018


Trampın Qüds ssenarisi incələndi - Şok detallar

Ana səhifə Gündəm
12 Punto 14 Punto 16 Punto 18 Punto

Trampın qərarı daha çox özünümüdafiə instiktindən qaynaqlanır. Çünki prezident kürsüsünə sahibləndiyi ilk gündən Donald Trampın hakimiyyətdən getməsi üçün zəmin hazırlanır. Media ona qarşıdır. Hərbi-sənaye kompleksi, maliyyə institutları Trampın prezidentliyi ilə barışa bilmirlər.

Bu sözləri Axar.az-a açıqlamasında tanınmış politoloq Elçin Mirzəbəyli ABŞ Prezidenti Donald Trampın az öncə Qüdsü İsrailin paytaxtı elan etməsi və səfirliyin ora köçürülməsi ilə bağlı Dövlət Departamentinə tapşırığını şərh edərkən deyib. Politoloq bildirib ki, Trampın miqrantlara qarşı açdığı savaş ölkədəki böyük etnik qrupları, xüsusilə də islandilli əhalini ona qarşı çevirib:

“ABŞ-dakı böyük diaspor qrupları Trampa rəğbət bəsləmirlər. Tramp adminstrasiyasının xarici siyasəti də faktiki uğursuzluğa düçar olub. Suriyada ABŞ öz mövqelərini əldən verib. İraqda Kürd Muxtariyyəti ilə bağlı proses iflasa uğrayıb. Qətər Vaşinqtonun təsir dairəsindən tamamilə çıxıb. Qondarma ərəb rejimləri regionda Türkiyə, Rusiya və qismən də İranın istiqamətləndirdikləri proseslərə qarşı alternativ ortaya qoymaq gücündə və potensialında deyillər. Şimali Koreya ilə bağlı ritorika da diqqəti Tramp adminstrasiyasının uğursuzluqlarından yayındırmaq üçün yetərli olmadı”.

Politoloq qeyd edib ki, bütün bunların fonunda Trampın qərarı yəhudi lobbisinin dəstəyini qazanmağa xidmət edir:

“Bununla yanaşı, Trampın Fələstin problemi ilə bağlı öz ssenarisi var. “ABŞ İŞİD-i Sina yarımadasına gətirmək istəyir” iddiası ilə çıxış edənlər yanılmırlar. Ağ Ev Sina yarımadasının hesabına Fələstin problemini çözmək istəyir. Bununla bağlı çox güman ki, ərəb rejimləri ilə də razılıq əldə olunub. Sina yarımadasında antiterror əməliyyatları həyata keçiriləcək. Daha sonra həmin ərazi Fələstin dövlətinə veriləcək. Bununla da Tramp həm də yəhudilərin dəstəyini qazanacaq, Fələstin problemini "həll etmiş" bir şəxs kimi nüfuzunu artıracaq və hakimiyyətini möhkəmləndirəcək. Amma bu, birtərəfli qaydada təqdim olunan ssenaridir. Bu qərar çox güman ki, Türkiyə-ABŞ münasibətlərini qırılma nöqtəsinə gətirəcək. Zərrabla bağlı hadisələr müstəvisində Türkiyəyə qarşı oynanılan oyunların məhz Qüdsün tanınmasından qısa müddət öncə baş verməsi təsadüfi deyil. Bu hadisə regionda anti-Amerika əhval-ruhiyyəsini gücləndirəcək. Bu prosesdə Pakistanın da aktiv iştirak edəcəyi istisna olunmur. Çox güman ki, Əfqanıstanda Talibanın mövqeləri daha da güclənəcək”.

E.Mirzəbəyli vurğulayıb ki, Tramp bu addımı ilə real dini qarşıdurma vəziyyəti yaratdı:

“Bəzi Qərb liderlərinin buna etiraz etməsi onların baş verə biləcək hadisələri proqnozlaşdırmaları ilə bağlıdır. Avropada böyük müsəlman icması yaşayır. Çox güman ki, bu hadisə onları da aktivləşdirəcək. Olduqca mürəkkəb bir vəziyyət yaranıb. Bu ağılsız qərar çox böyük faciələrə yol aça bilər”.

Tarix
2017.12.07 / 00:24
Müəllif
Firuzə Vahidqızı
Şərhlər
Загрузка...
Digər xəbərlər

Tək oğlan övladının cəbhəyə göndərilməsi... - Polkovnik

Dünya liderləri İlham Əliyevi təbrik edir

Onlarla razılaşdıq ki, Qarabağ prosesini... - Mnatsakanyan

Şennak: Səməd Seyidovun yerinə başqası seçilməlidir

Dövriyyəyə 200 manatlıq əskinaslar buraxılır - Foto

Kanada planı: İranı bu qız parçalayacaq

Tiflis İrəvanla razılaşsa, özünə xəyanət edəcək

Paşinyan ABŞ-ın istəyilə Naxçıvana atəş açdı - Sensasiya

O, Bakının riyakar və etibarsız müttəfiqidir - Ekspert

ABŞ-ın dəniz və hava qüvvələri İrana zərbə endirə bilər

KULT
<>
Xəbər xətti
 

Səsvermə sona çatdı, nəticələr hesablanır

Axar.az'da reklam Bağla
Reklam
Bize yazin Bağla