Bu gün müsəlman Şərqində ilk cümhuriyyət olan Azərbaycan Xalq Cümhuriyyətinin Parlamentinin 100-cü ildönümü ilə bağlı dünyanın hər yerindən gələn yüksək səviyyəli qonaqların iştirakı ilə keçirilən tədbirlərdə iştirak etməkdən böyük qürur hissi duyuram.

Axar.az xəbər ki, bu sözləri millət vəkili Qənirə Paşayeva bu gün Milli Məclisdə Azərbaycan Parlamentinin 100 illiyi münasibətilə keçirilən təntənəli iclasla bağlı fikirlərini bölüşərkən deyib. Millət vəkili bildirib ki, AXC-nin Parlamenti demokratik dəyərlərə və ənənələrə sahib idi:

“Bu ənənələri davam etdirən Milli Məclisdə Parlamentimizin 100-cü ildönümü ilə bağlı mərasimlərin keçirilməsinin şahidi olmaq gözəl bir duyğudur. Cümhuriyyətin qurucuları olan babalarımız nur içində yatsın. Onları hər zaman sevgi və sayğı ilə anacağıq. Dövlət başçısı cənab İlham Əliyev möhtəşəm çıxış etdi və önəmli mesajlar verdi. Qardaş Türkiyənin Böyük Millət Məclisinin sədri Binəli Yıldırım da gözəl çıxış etdi və önəmli mesajlar verdi. Tarixi bir hadisəni yaxından izləmək və bir parçası olmaq möhtəşəm bir duyğudur. Hər zaman var ol, gözəl Azərbaycan!”

Qeyd edək ki, bu gün Milli Məclisdə Azərbaycan parlamentinin 100 illiyi münasibətilə təntənəli iclas keçirilir.

Dünyanın 50-yə yaxın ölkəsindən 150 nümayəndənin qatıldığı mərasimdə Prezident İlham Əliyev də iştirak edir.