Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
26 Sentyabr 2018


Edvard Nalbandyana tutarlı cavab verildi

Ana səhifə Gündəm
12 Punto 14 Punto 16 Punto 18 Punto

"Xalqların öz müqəddəratını təyinetmə hüququ beynəlxalq hüququn ali prinsiplərindən biridir. Beynəlxalq hüququn, xüsusilə, xalqların öz müqəddəratını təyinetmə prinsipinin siyasiləşdirilməsi və ondan siyasi möhtəkirlik məqsədləri üçün istifadə edilməsi qəbuledilməzdir. Təəssüf ki, biz Ermənistanın təcrübəsində bunun şahidi oluruq".

Trend-in məlumatına görə, bunu Azərbaycan Xarici İşlər Nazirliyinin mətbuat xidmətinin rəhbəri vəzifəsini icra edən Hikmət Hacıyev Ermənistanın xarici işlər naziri Edvard Nalbandyanın xalqların öz müqəddəratını təyinetmə prinsipi haqqında söylədiklərini şərh edərkən deyib.

H.Hacıyev bildirib ki, BMT Nizamnaməsində xalqların öz müqəddəratını təyinetmə hüququ müstəmləkəçiliyə qarşı mübarizə və işğal altında olan və öz idarəçiliyi olmayan ərazilərə münasibətdə müəyyən olunub. 1975-ci il Helsinki Yekun Aktında isə deyilir: "BMT Nizamnaməsinin məqsəd və məramları və beynəlxalq hüququn norma və prinsiplərinə, o cümlədən dövlətlərin ərazi bütövlüyünə həmişə uyğun şəkildə davranaraq, iştirakçı dövlətlər xalqların bərabər hüquqlarına və onların öz müqəddəratını təyinetmə hüququna hörmətlə yanaşacaqlar".

XİN rəsmisi qeyd edib ki, göründüyü kimi, öz müqəddəratını təyinetmə ərazi bütövlüyü hüququna və BMT Nizamnaməsinə ziddiyyət təşkil etməməlidir: "Ərazi bütövlüyü ilə əlaqədar isə Helsinki Yekun Aktında deyilir ki, dövlətlər digər dövlətin ərazisini birbaşa və ya dolayısı zor vasitəsilə hərbi işğal və ərazi əldə etmək obyekti etməməlidirlər. Həmçinin həmin sənəddə bu cür işğal və ya ərazi əldə edilməsinin qanunu hesab edilməyəcəyi bildirilir".

H.Hacıyevin sözlərinə görə, ümumiyyətlə, Ermənistan tərəfindən Azərbaycana qarşı törədilmiş işğal, təcavüz və qanlı etnik təmizləmə əməllərinin fonunda xalqların öz müqəddəratını təyinetmə hüququndan danışmaq yersizdir: "Ermənistanın bu əməlləri xalqların öz müqəddəratını təyinetmə hüququnun təməl prinsipləri, mahiyyəti və fəlsəfəsi ilə ziddiyyət təşkil edir: "Edvard Nalbandyan ya bunları bilmir, ya da məqsədyönlü şəkildə beynəlxalq hüquq və xalqların öz müqəddəratını təyinetmə prinsipini siyasi möhtəkirlik obyektinə çevirir ki, bu da çox ciddi təəssüf doğurur".

Tarix
2014.11.03 / 19:24
Müəllif
Axar.az
Şərhlər
Загрузка...
Digər xəbərlər

Türk donanması təlimə başlayır – Bakının iştirakı ilə

ABŞ S-300-lərin zəif yerini tapa bilmir: F-35-lər isə... - Karasik

Yağışda çəpər altda əzilən maşınlar: Zərəri kim ödəyəcək?

Saç ustasının Nikola məsləhətinin nəticəsi... – Millət vəkili

Bakıda ASELSAN-la memorandum imzalandı - Foto

Tramp BMT-də dünyaya bu mesajı verdi - İsti şərh

Putin Bakıya gəlir: Bu, İrəvana bir işarədir - Rus ekspert

Ekspert açıqladı: Vaxtilə Qarabağ savaşında...

Ərdoğan Trampdan sonra çıxdı və darmadağın etdi

Azərbaycanın tapşırığı əsasında... - Rusiyalı direktor

KULT
<>
Xəbər xətti
 
  
  
  
Axar.az'da reklam Bağla
Reklam
Bize yazin Bağla