Pircan bəyin intihar etdiyini atamın yas mərasimində eşitmişəm.

Bu sözləri Kult.az-a açıqlamasında xalq artisti Gülyanaq Məmmədova musiqi qrupunun sintezator ifaçısı Pircan Həsənovun vəfatı barədə danışarkən söyləyib.

O, musiqiçinin ölümündən çox təəssüfləndiyini deyib:

“Atam bu yaxınlarda rəhmətə gedib, yaslıyam. Pircanın ölüm xəbərini də yas mərasimində eşitmişəm. 1993-cü ildə tələbə yoldaşım olub. Yaxşı dost, gözəl musiqiçi idi. Hər zaman xətrini çox istəmişəm. Deyib-gülən insan idi, borcunu-xərcini heç vaxt büruzə verməzdi. Burda eşitmişəm ki, intihar edib. Amma təfərrüatını bilmirəm. Sənət yoldaşım, musiqiçim kimi ürəyim ağrıdı. Yasdayam deyə, yasına da gedə bilmədim”.

Qeyd edək ki, xalq artisti Gülyanaq Məmmədovanın musiqi qrupunun sintizator ifaçısı Pircan Həsənov sirkə turşusu içərək özünü zəhərləyib. Hadisə dünən günorta saatlarında 44 yaşlı P.Həsənovun yaşadığı Yasamal rayonu, Bəşir Səfəroğlu küçəsində yerləşən evində baş verib. Ağır vəziyyətdə 1 saylı Şəhər Xəstəxanasına çatdırılsa da, onun həyatını xilas etmək mümkün olmayıb. Yasamal rayon Prokurorluğundan verilən məlumata görə, faktla bağlı Cinayət Məcələsinin 125-ci (özünü öldürmə həddinə çatdırma) maddəsi ilə cinayət işi başlanıb.