Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
11 Dekabr 2018


Tanınmışlar Kamal Abdulla haqda nələr danışdı?

Ana səhifə Hadisə
12 Punto 14 Punto 16 Punto 18 Punto

Bu gün tanınmış yazıçı, akademik Kamal Abdullanın 68 yaşı tamam olur.

Kult.az tanınmış şəxslərin Kamal Abdullanın elmi və bədii yaradıcılığı haqda fikirlərini təqdim edir.

Xalq yazıçısı Anar: “Kamal Abdulla bizim çox gözəl ziyalımızdır. O, öz yaradıcılığı ilə ədəbiyyatımıza maraqlı yeniliklər gətirib. Gözəl ədəbi duyumu olan yazıçıdır. Kamal bəy mənim dostumdur, xətrini çox istəyirəm. O, eyni zamanda çox dəyərli alimdir. Təkcə bədii deyil, elmi əsərləri da maraqlı və dərindir. Yaradıcılığına böyük maraq göstərirəm”.

AMEA Nəsimi adına Dilçilik İnstitutunun direktoru, akademik Möhsün Nağısoylu:

“Kamal müəllim geniş diapazonlu, yüksək intellektli bir ziyalıdır, ona böyük hörmətim var. Əsərləri İtaliya, Yaponiya, Türkiyə, Rusiya və s. ölkələrdə çap olunub. Bu mənada Azərbaycan elminin, mədəniyyətinin ən layiqli təmsilçilərindən biridir.

Kamal bəylə birlikdə Almaniyada səfərdə olanda yaradıcılığına və elmi fəaliyyətinə görə onu necə xüsusi rəğbətlə, böyük ehtiramla qarşıladıqlarının şahidi olmuşam.

Onun “Kitabi-Dədə Qorqudun poetikasına giriş” əsəri öz yeniliyi ilə folklorumuzun sirlərinin açılması, ədəbiyyatımızın dərin kökləri baxımından olduqca əhəmiyyətlidir.

Kamal Abdulla ziyalılar arasında “ideyalar enerjisi” kimi tanınır. Hər zaman ortaya yeni ideyalar atır, onları həyata keçirir.

O, Millətlərarası, multikulturalizm və dini məsələlər üzrə Dövlət müşaviri kimi çalışdığı dövrlərdə multikulturalizmin inkişafına böyük töhfə verib. Kamal bəyin geniş və səmərəli fəaliyyəti sayəsində Azərbaycan multikulturalizmi 20-dən çox xarici ölkədə tədris olunmağa başladı. “Azərbaycan multikulturalizminin ədəbi-bədii qaynaqları” kitabı məhz onun təşəbbüsü və redaktorluğu ilə çap olunub. Bundan əlavə, Azərbaycan Tərcümə Ensiklopediyası Kamal müəllimin birbaşa fəaliyyətinin nəticəsi olaraq işıq üzü görüb.

Bir ziyalı, həmkar, dost kimi Kamal müəllimi ürəkdən təbrik edir və ona yeni yaradıcılıq uğurları arzulayıram”.

Yazar Qismət Rüstəmov: “Mənə elə gəlir ki, Kamal müəllimin yaradıcılığı üçün əsas xarakterik cəhətlərdən biri keçmiş zaman ənənəsidir. Əsərlərinin adlarına da baxanda bu görünür. Məsələn, “Əvvəl-axır yazılanlar”, “Tarixsiz gündəlik” və s. Bu əsərlərin hamısında tarix, keçmişə səyahətdən söz açılıb.

Onun əsərlərində ən çox keçmiş zamanın dəyişdirilmə arzusu, başqa bir variantı təklif etmək yer alır. Məsələn, yunan mifindən olan məşhur “Parisin seçimi” hekayəsində qəhrəman Paris Afroditanı seçir və Troya müharibəsi baş verir. Amma Kamal müəllimin variantında həmin Paris təklif olunan 3 variantdan başqa variantı seçir və tarixin gedişatı tamam başqa cür olur. Gözlənilməz keçidlər, zaman haqqında ayrı-ayrı variantları düşünmək Kamal bəyin yaradıcılığı üçün xarakterik cəhətlərdəndir.

Dünyada əsasən bir neçə yazıçı tipi var: bədahətən, nəyinsə üzərində düşünmədən birbaşa özünü yazı prosesinin içinə buraxan yaradıcı insanlar, bir də 20-ci əsrin 60-70-ci illərində sonra məşhurlaşan, yazdığı hər şeyi kiçik xırdalığına qədər axtaran, onun dərin qatlarına varan yazıçılar. Dünyada bu tipin nümunələri Umberto Eko və başqalarıdır. Kamal müəllimin Azərbaycan ədəbiyyatında müstəsna yeri həm də odur ki, o, intellektual prozanın yeganə nümayəndəsidir”.

Qeyd edək ki, Kamal Abdulla 4 dekabr 1950-ci ildə Bakıda anadan olub. Onun “Sehrbazlar dərəsi”, “Yarımçıq əlyazma”, “Unutmağa kimsə yox” və başqa əsərləri dünyanın müxtəlif ölkələrində nəşr edilib, mükafatlara layiq görülüb.

Tarix
2018.12.04 / 17:45
Müəllif
Büllurə Yunus
Şərhlər
Загрузка...
Digər xəbərlər

Heydər Əliyev babasının məzarı önündə - Video

Radiomuzun növbəti buraxılışında “Günel” – Video

XX əsrin ən məşhur mahnısı bəlli oldu - Video

Mağazanın “gözə girən” yanlış adı - Foto

AMEA-da ciddi ixtisarlar başladı – Açıqlama

Rusiyada azərbaycanlı iş adamı intihar etdi

Nazirlik Fəxrəddin Manafovla bağlı qərar verəcək - Direktor

Azərbaycan alimləri niyə bu gündədir?

Trampın övladları təhlükədədir – Hollivud ulduzu

Tanınmış həkim Şahdağa çıxarkən qəfil vəfat etdi

KULT
<>
Xəbər xətti
 
Axar.az'da reklam Bağla
Reklam
Bize yazin Bağla