Ana səhifə İdman |
Əfsanəvi futbolçu Dieqo Maradona yenidən qalmaqalla gündəmə gəlib.
APA xəbər verir ki, 57 yaşlı mütəxəssis sevgilisi Rosio Olivanı döyməkdə şübhəli bilinir.
Xoşagəlməz hal cütlüyün hazırda qərarlaşdığı Madrid şəhərində baş verib. Oliva əvvəlcə otelin qeydiyyat şöbəsinə zəng edərək, Maradonanın ona hücum çəkdiyindən şikayətlənib. Nəticədə otelin əməkdaşları polis çağırıblar.
Otelə gedən polislər dərhal Maradonanın qaldığı nömrəyə qalxıblar. Lakin Olivanın budəfəki addımı hamını təəccübləndirib. Belə ki, o, polisləri Maradona ilə arasında yalnız güclü mübahisə olduğuna inandırmağa çalışıb.
Polisin hələ də oteli tərk etmədiyi, hadisə ilə bağlı araşdırma apardığı bildirilir.
Maraqlıdı ki, dünən sevgilisi ilə əylənən Maradona sosial şəbəkədə birgə fotolarını paylaşaraq, rəfiqəsini “Sevgililər günü” münasibətilə təbrik etmişdi.
Qeyd edək ki, Maradona Çempionlar Liqasının 1/8 final mərhələsi çərçivəsində bu gün keçirilən “Napoli” – “Real” matçını izləmək üçün Madridə yollanıb.
Tarix
2017.02.16 / 01:40
|
Müəllif
Axar.az
|