Ana səhifə İdman |
09:51
Ölkəmizi Çempionlar Liqasında təmsil edən "Qarabağ" klubunun baş məşqçisi Qurban Qurbanov sərt qərar qəbul edib.
Axar.az Futbol11.az-a istinadən xəbər verir ki, təcrübəli mütəxəssis futbolçulardan birini cəzalandırıb.
Məlumata görə, çalışdırıcı uzun müddətdir klubun uğurları üçün çalışan Bosniya və Herseqovina millisinin üzvü İbrahim Şehiçi cəzalandırıb. Belə ki, qolkiper qeyri-müəyyən müddətə əvəzedici komandaya göndərilib.
***
“Qarabağ” klubunun mətbuat xidmətinin rəhbəri Nurlan İbrahimov Axar.az-a açıqlamasında bu xəbərin əsassız olduğunu deyib.
“Şehiçin dubl komandaya göndərilməsi xəbəri yalandır, mən özüm bunu bu gün mediadan oxumuşam. Onun komandadan getməsi də tamamilə şayiədir. Anlamıram ki, bu şayiələri kimlər ortaya atır”.
Qeyd edək ki, 29 yaşlı "çərçivə qoruyucu"su Çempionlar Liqasının qrup mərhələsinin ilk turunda "Çelsi" ilə matçda kobud səhvlərlə yadda qalıb.
Tarix
2017.09.15 / 13:22
|
Müəllif
İsko Babazadə
|