İngiltərənin “Mançester Yunayted” klubunun baş məşqçisi Joze Mourinyo Premyer Liqanın 16-cı turu çərçivəsində baş tutan “Mançester Siti” ilə oyundan sonra rəqib komandanın soyunub-geyinmə otağında gərginliyə səbəb olub.

Axar.az xəbər verir ki, Mourinyo oyundan sonra rəqib komanda oyunçularının səs-küylü qələbə sevincini sakitləşdirmək üçün soyunub-geyinmə otağına gəlib. Bu zaman mübahisə yaranıb və baş məşqçi “Mançester Siti”nin qapıçısı Edersonun başına plastik su qabı ilə zərbə endirib.

Mübahisə “qırmızı şeytanlar”ın hücumçusu Romelu Lukaku və “Mançester Siti”nin baş məşqçisinin köməkçisi Migel Artetanın da müdaxiləsi ilə daha da qızışıb. Artetanın mübahisə zamanı qaşı partlayıb.

Qeyd edək ki, qarşılaşma “Mançester Siti”nin 1:2 hesablı qələbəsi ilə yekunlaşıb.