19:15

Bu gün Topaz Premyer Liqasında 2017/2018 mövsümünün son oyunu keçirilir.

Axar.az xəbər verir ki, çempion "Qarabağ" ikinciliyi təmin edən "Qəbələ" ilə qarşılaşır.

Qeyd edək ki, bu oyundan sonra mövsümün mükafatçılarına medallar təqdim olunacaq.

19:34

"Qarabağ" matçın 21-ci dəqiqəsində Dani Kintananın penalti zərbəsi ilə hesabı açdı: 1-0.

***

İlk hissə başa çatan kimi "Qəbələ"nin oyunçusu Cavid Hüseynovla "Qarabağ"ın üzvü Dani Kintana arasında mübahisə yaşanıb. Kintanaya əli ilə zərbə vuran C. Hüseynov daha sonra Rəşad Sadıqovla mübahisə edib. Bundan sonra hakim Hüseynova qırmızı vərəqə verərək meydandan kənarlaşdırıb.

***

"Qarabağ" "Qəbələyə" minimal hesabla qalib gəldi: 1-0. Bu görüşlə mövsüm başa çatdı.