Ana səhifə İqtisadiyyat |
Rusiya gündəlik neft hasilatını fevral ayında 117 min barreldən çox azaldıb.
Axar.az xəbər verir ki, bunu Rusiyanın Energetika naziri Aleksandr Novak jurnalistlərə deyib. Nazir bildirib ki, Neft İxrac edən Ölkələr Təşkilatı ilə (OPEK) əldə olunan neft istehsalının azaldılması sazişinə 100 faiz əməl edildikdən sonra həmin müqavilə təsirli olacaq. Hər bir ölkənin götürdüyü öhdəliyi yerinə yetirəcəyinə inanırıq.
Bu sazişin iştirakçısı ölkələri neft hasilatının azaldılması prosesini sürətləndirməyə səsləyən A.Novak deyib: “Rusiya neft hasilatını fevral ayında gündəlik 117 min barreldən çox azaldıb. Aprel ayına qədər gündəlik istehsalı 300 min barrel səviyyəsinə çatdıracağıq”.
Xatırladaq ki, OPEK ilə əldə edilən saziş çərçivəsində gündəlik neft hasilatını 300 min barrel azaltmağı öhdəlik götürən Rusiya yanvarda sutkalıq istehsalını 120 min barrel azaltmışdı.
Tarix
2017.02.27 / 20:37
|
Müəllif
Axar.az
|