Bitkoinin qiyməti yenidən rekord qırıb.

Axar.az xəbər verir ki, “Bitfineks” birjasının məlumatlarına əsasən, bu virtual pulun dəyəri 6000 dolları keçib. Nəticədə bitkoin 270 dollar bahalaşmış olub.

Bitkoin ilk mərkəzsizləşdirilmiş rəqəmli puldur. Bitkoinin yaranması bankların yox olması təhdidini artırır. Bunun sayəsində maliyyə əməliyyatlarını artıq banklar yox, hər kəs özü idarə etmiş olacaq.

Bir müddət öncə Avropa Birliyi, Rusiya və Çinin bitkoinlə ticarəti məhdudlaşdırması onun dəyərini iki həftə ərzində 40% ucuzlaşdırmışdı. Beynəlxalq Valyuta Fondunun sonradan bitkoinin legitimliyini tanıması onun dəyərinin yenidən artmasına səbəb olmuşdu.