Ana səhifə İqtisadiyyat |
Ukrayna Rusiyadan kənar keçən qaz kəmərlərinin maliyyələşdirilməsinə yalnız sevinə bilər.
Axar.az xəbər verir ki, bunu “Obozrevatel” saytına açıqlamasında Ukraynanın hakim Pyotr Poroşenko Blokundan olan deputatı Oksana Yurinets deyib.
“Rusiya təkcə Ukraynaya yox, həm də Avropaya qaz müharibəsi elan edib. Buna görə də “Şimali axını-2” layihəsinə yalnız biznes kontekstində yanaşma anlayışı məhv olub. “Şimal axını-2” təkcə iqtisadi yox, həm də siyasi layihədir. Bu, Avropaya birbaşa təhdiddir. Bunun üçün də Ukrayna Almaniyanın Azərbaycandan Avropaya gedən Cənub Qaz Dəhlizinə 1,2 milyard avro həcmində kredit xətti açmasını alqışlayır. Burada Ukraynanın da xidməti var. Məhz biz hər səviyyədəki görüşlərdə Rusiyanın layihələrinin Avropa üçün necə təhlükə yaratdığını sübuta yetirirdik”, – deyə Yurinets bildirib.
Tarix
2018.03.09 / 15:17
|
Müəllif
İlkin Həsənov
|