Donald Tramp bu vaxta qədər seçilən ən unikal ABŞ prezidentidir.

Axar.az "Hill" nəşrinə istinadən xəbər verir ki, bu açıqlama ilə ABŞ-ın keçmiş dövlət katibi Henri Kissincer çıxış edib.

"Bu prezident indiyədək gördüyüm ən unikal prezidentdir. Onun heç bir yükü yoxdur. Onun hansısa bir qrup qarşısında öhdəliyi də yoxdur, çünki o, öz strategiyasının köməyi ilə ABŞ prezidenti seçildi".

Riçard Niksonun dövründə dövlət katibi işləyən Kissincer Trampla ötən həftə Nyu Yorkda görüşüb.

"Zənnimcə, sahib olduğu müsbət ideyaları reallaşdırması üçün ona şans tanımalıyıq. Biz onillər boyu ziddiyyətli siyasi yol keçmişik", – deyə, Kissincer deyib.