Trampın kiçik oğlu Donald Tramp oktyabrda Parisdə bir sıra diplomatlar, biznesmenlər və siyasətçilərlə Suriya konfliktinin həllində Rusiya ilə əməkdaşlıq məsələsini müzakirə edib.

Axar.az xəbər verir ki, bu barədə informasiyanı "Vol Strit Jurnal" qəzeti özünün etibarlı mənbələrinə istinadən yayıb. Kiçik Trampın iştirak etdiyi tədbir fransız siyasətçi Fabyen Bossar və onun həyat yoldaşı Randa Kassis tərəfindən təşkil edilib. Yeni seçilmiş prezidentin müşaviri Kellien Konuey də artıq kiçik Trampın Parisdə tədbirə qatıldığını təsdiqləyib.

Qeyd edək ki, Kassis həm də suriyalı siyasətçidir. O, Suriyanın müxalif Plüralist Cəmiyyət üçün Hərəkatının rəhbəridir. Kassis Rusiya hakimiyyəti ilə sıx əlaqələrə sahibdir.