Rusiya Prezidenti Vladimir Putin qatıldığı tədbirlərin birində zarafatyana şəkildə ölkəsinin sərhədlərinin heç bir yerdə bitmədiyini deyib.

Axar.az xəbər verir ki, Rusiya Coğrafiya Cəmiyyətinin təltifetmə mərasimində iştirak edən Kreml rəhbəri burada bütün ölkələrin paytaxtlarını bilən internet fenomeni Miroslav Oskirko ilə görüşüb.

Miroslava "Rusiyanın sərhədləri harada bitir?" sualını verən Putin ondan "Rusiyanın sərhədi Berinq boğazından keçməklə, ABŞ-ın olduğu yerdə bitir" cavabını alıb.

Miroslavin cavabına gülümsəyən Putin bu ifadələri işlədib:

"Rusiyanın sərhədi heç bir yerdə bitmir. Amma təbii ki, bu zarafatdır".