Ana səhifə Planet |
Monteneqro parlamenti yeni qərbyönlü hökuməti təsdiq edib.
Axar.az xəbər verir ki, yeni hökumətə Duşko Markoviç rəhbərlik edəcək. Yeni baş nazir parlament qarşısında çıxışı zamanı öz hökumətinin 2017-ci ilin sonuna qədər Monteneqronu NATO üzvü edəcəyini bildirib.
Markoviçin çıxışı zamanı rusiyayönlü müxalifət partiyaları parlament zalını tərk ediblər.
Qeyd edək ki, Markoviç ölkə kəşfiyyatının keçmiş rəhbəridir. O, həmçinin keçmiş baş nazir Mila Cukanoviçin köhnə müttəfiqlərindən sayılır. Mila Cukanoviç bu ilin oktyabrında istefaya getdiyini açıqlayıb.
Rusiya Montoneqroda olan parlament seçkisindən sonra burada çevriliş hazırlayıb. Çevrilişin əsas təşkilatçısı rus millətçiləri olsa da, Moskva bunun arxasında dayanmadığını bildirib. Plana əsasən, Cukanoviç sui-qəsd nəticəsində öldürülməli və onun yerinə müxalif partiyalar hakimiyyətə gətirilməli idi.
Tarix
2016.11.30 / 00:24
|
Müəllif
İlkin Həsənov
|