Taliban tərəfindən 2016-cı ilin avqustunda paytaxt Kabildə girov götürülən Amerika Universitetinin müəllimlərinin video görüntüləri yayılıb.

Axar.az xəbər verir ki, 13 dəqiqəlik videoda girovluqda saxlanılan 60 yaşlı ABŞ vətəndaşı Kevin Kinq və 48 yaşlı Avstraliya vətəndaşı Timati Uiksin yeni seçilən prezident Donald Trampa müraciəti əks olunub.

Müəllimlər yeni prezidentdən onlara köməklik göstərməsini istəyiblər.

Terrorçular müəllimlərin azad olunması müqabilində Baqram həbsxanasında saxlanılan Taliban üzvlərinin azadlığa buraxılmasını tələb edir.

Xatırladaq ki, Kabildə yerləşən Amerika Universitetinin müəllimləri 2016-cı il avqustun 7-də terrorçular tərəfindən oğurlanıb.