Ana səhifə Planet |
İstəmirəm ki, Bolqarıstan 19-cu əsrə qayıdıb, böyük güclərin təsir zonaları uğrunda mübarizəsinin qurbanı olsun.
Axar.az xəbər verir ki, bunu “Novinite” agentliyinə müsahibəsində Bolqarıstan Prezidenti Rosen Plevneliyev söyləyib.
“Rusiyanı sevirəm, amma Rusiya hakimiyyətinin təsir zonaları ilə bağlı siyasəti ilə razı deyiləm. Bu bizi 19-cu əsrə qaytarmaq deməkdir. Bunun Bolqarıstan üçün ağır fəsadları olacaq. ABŞ və Rusiya konstruktiv münasibətlər qurmalıdır. Bu isə maraqlar və hakimiyyət üzərində yox, qanunun aliliyi prinsipləri əsasında əldə edilməlidir. Rusiya və ABŞ arasında təsir zonalarına əsaslanan razılaşma Bolqarıstana 1878-ci ildə Berlin konqresi zamanı vurulan zərbəni təkrarlaya bilər. O zaman Balkanlar Avstriya-Macarıstan və Rusiya arasında təsir zonalarına bölünmüşdü”, – deyə o bildirib.
Tarix
2017.01.12 / 16:33
|
Müəllif
İlkin Həsənov
|