Ana səhifə Planet |
ABŞ Prezidenti Donald Tramp Baş prokuror və Ədliyyə nazirinin səlahiyyətlərini icra edən Salli Yeytsi vəzifəsindən kənarlaşdırıb.
Axar.az xəbər verir ki, prezidentin bu qərarına səbəb Yeytsin verdiyi son bəyanat olub.
Ağ Ev Ədliyyə Nazirliyinə müvəqqəti olaraq Virciniya ştatının prokuroru Dana Boentenin rəhbərlik edəcəyini açıqlayıb.
Trampın qərarlarının qanuniliyini şübhə altına alan Salli Yeyts Ədliyyə Nazirliyinin prezidentin miqrasiya ilə bağlı son fərmanlarını məhkəmədə müdafiə etməyəcəyini bildirmişdi.
Xatırladaq ki, bir neçə gün öncə 16 ştatın baş prokuroru Trampın miqrasiya siyasətinə qarşı birgə bəyanat yayaraq dövlət başçısının fərmanlarını qeyri-qanuni adlandırıb, ölkənin milli maraqlarına zidd olduğunu elan ediblər.
Tramp İraq, İran, Suriya, Sudan, Yəmən, Liviya və Somali vətəndaşlarının ABŞ-a daxil olmasının qadağan edilməsi barədə fərman imzalayıb.
Tarix
2017.01.31 / 09:48
|
Müəllif
Hacı Qulu
|