Kiber hücumlar dünya iqtisadiyatına il ərzində 500 milyard dollardan çox ziyan vurur.

Axar.az xəbər verir ki, bu sözləri Rusiyanın “Kasperski” şirkətinin qurucusu və icraçı direktoru Yevgeni Kasperski Anadolu Agentliyinə açıqlamasında deyib.

O bildirib ki, bir çox dövlətlər kiber savaşlara indidən hazırdır:

“Kiber cinayətlərə əl atanlar olduqca ağıllı və professional şəkildə davranırlar. Belə hücumların sərhədi və vaxtı yoxdur. İl ərzində kiber cinayətlərdən dolayı dünya iqtisadiyyatında 500 milyard dollardan çox ziyan dəyir. Bu rəqəm Türkiyənin milli gəlirinin yarısından çoxdur. Belə cinayətlərin qarşısını almaq üçün təhlükəsizlik şirkəti olaraq bir çox plan üzərində işləyirik”.