Ana səhifə Planet |
Ermənilər arasında daha çox hakim Respublika Partiyası və Çarukyan bloku məşhurdur.
Axar.az xəbər verir ki, bu nəticə Ümumrusiya İctimai Fikrin Tədqiqatı Mərkəzinin Ermənistanda keçirdiyi sorğudan sonra ortaya çıxıb. Sorğuya əsasən, budəfəki parlament seçkisində ermənilər daha çox Çarukyan blokuna səs verəcəklər. Bu bloku respondentlərin 41%-i dəstəkləyir. Ondan sonrakı yeri isə 39% səslə hakim Respublika Partiyası tutur. Üçüncü yeri isə 8% səslə Yelk bloku tamamlayır. Apreldəki seçkilərdə ermənilərin 4%-i Daşnaksütyun Partiyasına, 3%-i Ohanyan-Raffi-Oskanyan blokuna, 1%-i isə Erməni Milli Konqresi və Azad Demokratlar Partiyasına səs vermək niyyətindədirlər.
Maraqlı olan digər məqam isə əhalinin 40%-nin hələ də seçkidə kimə səs verəcəyini müəyyən edə bilməməsidir. Əhali budəfəki seçkidə partiyaya görə yox, şəxslərə görə səs verəcəklərini bildirib.
Tarix
2017.03.28 / 17:58
|
Müəllif
İlkin Həsənov
|