Sanksiyalar Rusiya iqtisadiyyatına mənfi təsir göstərir.

Axar.az xəbər verir ki, bunu Krasnoyarsk İqtisadiyyat Forumunda çıxışı zamanı Rusiyanın keçmiş maliyyə naziri Aleksey Kudrin söyləyib.

“Biz dünya bazarlarında öz mövqeyimizi itiririk. Problem təkcə neft qiymətinin düşməsi və sanksiyalarla bağlı deyil. Sanksiyalar, ümumiyyətlə, çox həssasdır və iqtisadiyyata mənfi təsir göstərir. Doğrudur, biz beynəlxalq münasibətlərdə prinsipial olmalıyıq, amma sanksiyaların bazarımıza təsirini də unutmamalıyıq. Yaxın 3-4 il ərzində iqtisadi artım investisiya aktivliyi ilə bağlı olacaq. İnvestisiya olsa, artım da olacaq. Rusiya iqtisadiyyatında dövlət şirkətlərinin rolu böyükdür. Energetikada onların payı 70%, maliyyə sahəsində isə 46%-dir. 7 ildən sonra bu göstərici 15-20% olmalıdır. Yəni bunu aşağı salmaq lazımdır”.