Səudiyyə Ərəbistanı kralı Salman oğlu şahzadə Xalidi ABŞ-a səfir göndərib.

Axar.az “Frans Press”ə istinadla xəbər verir ki, kral bununla bağlı dekret imzalayıb.

“Şahzadə Abdullah bin Feysal bin Türki ABŞ səfiri vəzifəsindən azad edilsin, şahzadə Xalid bin Salman bin Abduləziz yeni səfir təyin olunsun”, - dekretdə bildirilib.

Abdullahın bu vəzifədə cəmi 1 ildən bir qədər çox qaldığı vurğulanır.

Şahzadə Xalid Ərəbistan Hərbi Hava Qüvvələrinin pilotu kimi İŞİD-ə qarşı əməliyyatlarda iştirak edib.

Qeyd edək ki, təyinat kralın islahatlarının tərkib hissəsi sayılır. Belə ki, kral ötən gün verdiyi fərmanla müdafiə və informasiya nazirlərini işdən çıxarıb, Milli Təhlükəsizlik Mərkəzi yaradıb və bu quruma ordu generalını rəhbər gətirib.