Media qurumunun iranlı rəhbəri Saed Kərimianın öldürülməsi ilə bağlı Türkiyənin bizə detallı məlumat verməsini istəmişik.

Axar.az xəbər verir ki, bu sözləri İran Xarici İşlər Nazirliyinin sözçüsü Bəhram Qasımi jurnalistlərə açıqlamasında deyib.

“Bu məsələ ilə bağlı əlimizdə ətraflı məlumat yoxdur. Diplomatik kanallar vasitəsilə araşdırma aparırıq. Rəsmi olaraq Türkiyədən olayı araşdırıb, bizə informasiya verilməsini istədik. Türkiyədəki səfirlik və XİN məsələni diqqətdə saxlayır”, - XİN rəsmisi bildirib.

Qeyd edək ki, dünən İstanbulda GEM TV-nin rəhbəri Saed Kərimian və küveytli ortağı Məhəmməd Əl Almutairi qətlə yetirilib.

İddialara görə, İngiltərə vətəndaşı olan Kərimian İran Xalq Mücahidləri təşkilatı tərəfindən öldürülüb.