ABŞ-ın başçılıq etdiyi koalisiya Suriya və İraqda keçirdiyi əməliyyatlar nəticəsində ümumilikdə 624 nəfər dinc sakinin həlak olması xəbərini təsdiqləyib.

Axar.az xəbər verir ki, bu barədə koalisiya rəhbərliyi bəyanat yayıb.

“Mövcud məlumatlar əsasında koalisiyanın Baş qərargahı hesab edir ki, təqribən 624 nəfər dinc sakin koalisiya qüvvələrinin endirdiyi zərbələr nəticəsində yanlışlıqla öldürülüb”, - bəyanatda bildirilir.

Bundan əlavə bəyanatda həmin göstəricinin 2014-cü ilin avqust ayından 2017-ci ilin iyun ayına qədər olan dövrü əhatə etdiyi, hazırda daha 424 dinc sakinin ölümü ilə bağlı informasiyaların da araşdırıldığı qeyd olunub.