Ət-Tənf ABŞ hərbi bazasında İŞİD-ə qarşı vuruşmaq üçün təlim keçən silahlılar ABŞ-ın susqun razılığı ilə sursatlarını İŞİD-ə satdılar.

Axar.az xəbər verir ki, bu barədə hərbi bazanın Suriya sektorunun təhlükəsizlik xidmətinin keçmiş rəisi Məhəmməd Əs-Salam məlumat verib.

“Biz bu barədə öyrənən kimi amerikalılara informasiya verdik. Onlar isə bildirdiyimiz komandiri daha çox dəstəkləməyə başladılar. Amerikalılar suriyalılardan hökumət qüvvələri ilə döyüşmələrini istədilər. Ləyaqətli insanlar buna etiraz etdilər, çünki dəstə İŞİD-lə mübarizə üçün yaradılmışdı”, - keçmiş rəis deyib.

Məhəmməd Əs-Salam ABŞ hərbi bazasını 101 nəfərin tərk etdiyini və bunların hazırda qaçqınlar üçün təşkil olunmuş düşərgədə yaşadıqlarını qeyd edib.

Qeyd edək ki, terrorçulara “Maqavir əs-Saura” dəstəsinin komandiri və onun tabeliyində olanlar tərəfindən gizli dəstək verilib. Onlar avtomobillər və M-16 tüfəngləri də daxil olmaqla, ABŞ istehsalı olan silahları terrorçulara satıblar. Sonuncu yoxlama zamanı 4700 tüfəngin çatışmadığı aşkar edilib.