Gürcüstan vətəndaşı təyyarəni qaçıraraq partlatmaq istəyib.

Axar.az xəbər verir ki, 41 yaşlı Gürcüstan vətəndaşı Kutaisi-Minsk təyyarəsini qaçırmağa cəhd edib. Onun niyyəti təyyarənin istiqamətini Avropa ölkələrindən birinə dəyişərək partlatmaq olub. Pilot təyyarə havada olarkən təhlükə ilə bağlı xəbərdarlıq edə bilib. Təyyarə Minsk hava limanına uğurlu eniş edib. Hava limanına gələn Belorusiya xüsusi xidmət orqanlarının əməkdaşları təyyarəni qaçırmaq istəyən şəxslə danışmağa başlayıblar. 20 dəqiqəlik danışıqlardan sonra Gürcüstan vətəndaşı təslim olub. Onun barəsində cinayət işi açılıb və əlbir ola biləcəyi şəxslər araşdırılır.

Qeyd edək ki, qaçırılan təyyarədə 32 sərnişin və 4 ekipaj üzvü olub.