Türkiyə və İranın Qəndildə PKK-ya qarşı birgə hərbi əməliyyat təşkil edəcəyi ilə bağlı informasiyaya malik deyilik.

Axar.az xəbər verir ki, bu sözləri İran Xarici İşlər Nazirliyinin sözçüsü Bəhram Qasımi deyib.

“Region ölkələrinin dostyana istəklərinə baxmayaraq, Kürdüstan muxtariyyətinin referendum məsələsində israr etməsi yanlış addım idi”, - Qasımi bildirib.

O əlavə edib ki, hazırda İran-Kürdüstan arasında yalnız bir sərhəd-keçid məntəqəsi fəaliyyət göstərir.

Qeyd edək ki, Türkiyənin bəzi media orqanları Türkiyə ilə İranın Şimali İraqda PKK-ya qarşı birgə hərbi əməliyyat təşkil edəcəyini iddia ediblər.