Moskva və Ankara arasında dialoq Yaxın Şərqdəki problemlərin həllində önəmli rol oynayacaq.

Axar.az xəbər verir ki, bu sözləri rusiyalı siyasi ekspert İldus Yarulin Ərdoğan-Putin görüşünü şərh edərkən deyib.

“Suriya probleminin həllinin yaxınlaşmasına baxmayaraq, regionda İraq, Liviya, Livan kimi problemlər qalmaqda davam edir. Xüsusilə belə bir şəraitdə Rusiya və Türkiyə əməkdaşlığının davam etdirilməsi önəmlidir. Rusiya zamanında bu proseslərə qatılmışdı. Türkiyə də bu yöndə addımlar atsa da, güclü deyildi. ABŞ mövqeyini möhkəmləndirmişdi. Lakin hazırda durum fərqlidir. Yaxın Şərqdə siyasi proseslərdə yenidən hərəkətlilik müşahidə olunur. Yaxın Şərq probleminin həllində yeni və ciddi iştirakçıların formalaşdığını düşünürəm. Amerikalılar orada “yolunu azdı”. Avropalılar isə heç görsənmir”, - ekspert əlavə edib.

Qeyd edək ki, dünən Ərdoğan-Putin görüşü keçirilib.