16:58

Misirdə Sinay yarımadasının şimalında məsciddə partlayış baş verib.

Axar.az xəbər verir ki, məlumata görə, terrorçular tərəfindən səhər namazı zamanı partladıcı qurğu işə salınıb.

Hadisə nəticəsində 50-dən çox ölü, 100-ə yaxın yaralının olduğu bildirilir.

Partlayışdan dərhal sonra məscidin naməlum şəxslər tərəfindən atəşə tutulduğu iddia edilir.

Faciə ilə bağlı ölkədə 3 günlük matəm elan olunub.

19:41

Misir Baş Prokurorluğunun yaydığı məlumata görə, Əl-Rauda məscidində cümə namazı zamanı törədilən terror aktı nəticəsində həlak olanların sayı 235 nəfərdir, 130-dan çox insan müxtəlif dərəcəli xəsarət alıb.

Terrorçular cümə namazı zamanı dörd maşında Əl-Rauda məscidini mühasirəyə alıblar. Sonra məscidə daxil olaraq dua edənlər arasında partladıcı qurğunu işə salıblar. İnsanlar qaçıb bayıra çıxmaq istəyəndə isə onları nizamsız atəşə tutublar.

***

Partlayışın baş verdiyi ərazidən görüntülər yayılıb.

Həmin görüntüləri təqdim edirik: