Qərb siyasətçiləri hesab edirlər ki, Mixail Saakaşvili gələcəkdə Ukraynanın baş naziri olacaq.

Axar.az xəbər verir ki, bu barədə informasiyanı “Apostrof” saytı Avropadakı diplomatik mənbələrinə istinadən yayıb.

“Qərbdə hələ də Saakaşvilini ağıllı lider kimi görürlər və hesab edirlər ki, o, Ukrayna siyasətində öz yerini tapacaq. Avropada həmçinin Ukrayna hökumətinin Saakaşvilini həbs etmək cəhdi şok effekti yaradıb.

Qərbdə 2019-cu il seçkisində hazırkı prezident Pyotr Poroşenkoya rəqibin kim olacağı da müzakirə edilir. Avropa Birliyi bu istiqamətdə əsas dəstəyin Yuliya Timoşenkoya verilməsini istəyir”, – deyə saytın mənbəsi söyləyib.