Ağ Evin Milli təhlükəsizlik məsələləri üzrə müşaviri Herbert Makmasterin Vaşinqtonda çıxışı zamanı ölkəmizi və hökumətimizi hədəf alan ifadələr səsləndirdiyi üzə çıxıb.

Axar.az xəbər verir ki, bu barədə Türkiyə XİN bəyanatında deyilib.

“Ölkəmizin terrorçuluq və radikalizmin hər növü ilə necə mübarizə apardığını ən yaxşı bilməli olan bir vəzifənin sahibi Ağ Evin Milli təhlükəsizlik məsələləri üzrə müşaviri Herbert Makmasterin gerçəkliklə əlaqəsi olmayan iddiaları heyrətləndirici, təməlsiz və qəbul edilə bilməz mahiyyət daşıyır”, - XİN bəyanatında bildirilib.

Qeyd edək ki, müşavir Türkiyə və Qətərin radikal ideologiyaların yeni sponsorları olduğunu açıqlamışdı.