Ana səhifə Planet |
Türkiyə Silahlı Qüvvələrinin Afrində YPG terrorçularına qarşı “Zeytun budağı” adlı əməliyyat başlatmasından sonra bəzi ölkələrin mediası bu hərəkat əleyhinə yazılar dərc etməyə başladı.
Axar.az xəbər verir ki, İran mətbuatı belələrindən geri qalmadı.
Belə ki, “Farsnyus” agentliyi, rəsmi “İran qəzeti” bu əməliyyatı terrorçulara deyil, dinc kürdlərə qarşı təşkil edilən əməliyyat kimi təqdim etdi.
“Cihan-ı Sanat” qəzeti isə “Zeytun budağı”nı Ərdoğanın “yeni macərası” kimi yayımladı.
Bundan əlavə, "İntihap" və "Əsr-i İran" adlı xəbər saytları İranın hakimiyyətinin sözügedən əməliyyata lazımi reaksiya verməməsini qınayıb. İqtidaryönümlü “Merdum Salari" qəzeti də obrazlı ifadələrə baş vuraraq, Türkiyəni kürdlərin qəlbinə hücum etməkdə günahlandırıb.
Lakin "Dünyayi İqtisat" və "Fararu" kimi media orqanları adıçəkilən qəzet və agentliklərdən fərqli olaraq, “Zeytun budağı” əməliyyatına daha obyektiv yanaşıb və Türkiyənin bu yöndə haqlı mübarizəsini dəstəkləyib.
Tarix
2018.01.22 / 23:37
|
Müəllif
Kamran Ədalət
|