Əgər sanksiyalar işləməsə, biz Şimali Koreyaya qarşı fəaliyyətin ikinci fazasına keçəcəyik.

Axar.az xəbər verir ki, bunu jurnalistlərə açıqlamasında ABŞ Prezidenti Donald Tramp söyləyib.

“Məhz bu kartı oynayacağımı düşünmürəm. Əgər sanksiyalar işləməsə, o zaman ikinci fazaya keçməyə məcbur olacağıq. İkinci faza dünya üçün çox sərt və kədərli ola bilər. Ümid edirəm ki, sanksiyalar işləyəcək”, – deyə o bildirib.

Qeyd edək ki, ABŞ dünən Pxenyana qarşı sanksiyaları genişləndirib. Sanksiyalar həmçinin Çin şirkətlərinə qarşı da yönəlib.

Sanksiyalar Şimali Koreyanın 56 gəmisi və gəmiçilik şirkətinə tətbiq olunub.