Ana səhifə Planet |
2008-ci il prezident seçkisindən sonra Robert Köçəryan həm Levon Ter-Petrosyanın küçələrdəki tərəfdarlarının öhdəsindən gəlməyə, həm də cinayətlər vasitəsilə yeni prezident Serj Sərkisyanı özündən asılı vəziyyətə salmağa çalışırdı.
Axar.az xəbər verir ki, bu sözlər erməni jurnalist Sərkis Artsruninin “1in.am” saytında dərc olunan məqaləsində yer alıb.
“23 fevralda Köçəryan 1 mart qanlı əməliyyatının hazırlığına başladı. Bununla o, Petrosyanın ümumxalq hərəkatını dağıtmaq və Sərkisyan hakimiyyətini minalamaq istəyirdi. Köçəryan 10 illik hakimiyyəti dönəmində dövlətə qarşı ikinci cinayətini işləmişdi. 27 oktyabr 1999-ci ildə onun vasitəsilə dövlət elitası başsız qaldı, 1 mart 2008-də isə Ermənistan cəmiyyəti hədəf oldu. Hər iki cinayətin izləri Moskvaya aparır. Təsadüfi deyil ki, 1 mart əmrini Köçəryan Putinlə Moskvadakı görüşündən 1 gün sonra vermişdi”, – deyə o bildirib.
Qeyd edək ki, 2008-ci il prezident seçkisindən sonra Ermənistanda müxalifət Petrosyanın rəhbərliyi ilə etirazlara başladı. Hökumət bu etiraz aksiyalarını sonradan silah gücünə yatırdı. Polisin öz xalqına atəş açması nəticəsində 8 nəfər ölmüş, 130 nəfər yaralanmışdı.
Tarix
2018.02.24 / 14:31
|
Müəllif
İlkin Həsənov
|