ABŞ Prezidenti Donald Tramp FTB sədrinin müavini Endryu Makkeybin vəzifədən qovulmasını “Demokratiya üçün böyük gün” adlandırıb.

Axar.az xəbər verir ki, bu barədə ölkə başçısı Tvitter hesabında yazıb.

“Endryu Makkeyb qovulub. FTB-də ağır zəhmət çəkən qadın və kişilər üçün möhtəşəm gün – demokratiya üçün böyük gün. İkiüzlü Ceyms Komi (FTB-nin keçmiş rəhbəri) onun rəhbəri olub və ona görə də Makkeyb xorda olan bir oğlan kimi görünür. O, FTB-nin yuxarı səviyyələrinin bütün yalanlarını və korrupsiya hallarını bilirdi”, - Tramp yazıb.

Qeyd edək ki, Makkeyb FTB-dən qovulmasının səbəbinin prezidentin büroya müharibə elan etməsi olduğunu bildirmişdi.