Ötən gün qətlə yetirilən Türkiyənin keçmiş müdafiə naziri Ercan Vuralhanın qatili polisə ifadəsində cinayətin səbəblərini açıqlayıb.

Axar.az xəbər verir ki, qatil Yüksək Qarababa 2014-cü ildən bu yana mərhum nazirə 650 min dollar, 350 min lirə borc verdiyini, qətlin baş tutduğu gün nazirin ondan daha 2500 lirə istəməsindən sonra əsəbdən özünü itirərək Vuralhana bıçaqla zərbə endirdiyini bildirib.

“Hadisəni 30 saniyə sonra gördüm. Müttəhim böyük bir soyuqqanlılıqla bıçağı masanın üzərinə qoymuşdu. Əvvəlcə telefonla yoldaşına zəng etdi və halallıq istədi. Sonra bizə “40 ailənin canını yandırdı, üzülməyin” dedi. Sonra polislər gəldi, onsuz da oturub gözləyirdi, heç bir şəkildə qaçmadı. Polis yaxınlaşanda əlini qandala uzatdı və təslim oldu”, - Hadisənin şahidi İlhan Çevik deyib.

Mətbuatda yayılan xəbərlərə görə, Ercan Vuralhanın cənazəsinə sahib çıxan olmayıb. Mərhumun yaxınlarından heç biri cənazəni təhvil almaq üçün müraciət etməyib.