Ana səhifə Planet |
Tramp ABŞ Ticarət Qanunundakı “milli təhlükəsizlik” maddəsini kefi istədiyi kimi, öz məqsədlərinə uyğun şəkildə istifadə edir.
Axar.az xəbər verir ki, bu sözləri ABŞ Dövlət Departamentinin keçmiş baş iqtisadçısı Rodli Ludema deyib.
“Məncə, hazırda baş verənlər genişmiqyaslı bir iqtisadi müharibəyə bənzəmir, ancaq daha da şiddətlənmə potensialı daşıyır. Mən də bir çox iqtisadçı kimi, Türkiyədəki iqtisadi problemlərin uzun zamandır formalaşdığını düşünürəm. Ancaq Trampın tətbiq etdiyi sanksiyaların türk iqtisadiyyatını şikəst etməsi iddiaları həddən artıq şişirdildi”, - Ludema bildirib.
O, keşiş Bransonun Tramp üçün əhəmiyyətindən də danışıb:
“Bu məsələ çox kritik bir dönəmə tuş gəldi. Əslində, bu yaşananlar, bir növ, ara seçki öncəsində Respublikaçılara hədiyyə oldu. ABŞ daxili siyasəti baxımından bu vaxt çox vacibdir. Digər tərəfdən Tramp çox güman ki, Türkiyə ilə davam edən iqtisadi ixtilafın gələcəkdə ediləcək müzakirələr baxımından əhəmiyyətli bir infrastruktur yaratdığına inanır”.
Tarix
2018.08.17 / 10:34
|
Müəllif
Orxan Tağıyev
|