Avstriyadan sonra Almaniyada da “bozqurd işarəsi”nin qadağan edilməsi müzakirələrini təəccüb və məyusluqla qarşılayırıq.

Axar.az xəbər verir ki, bu sözləri MHP sədrinin müavini Semih Yalçın deyib.

“Bozqurd işarəsinin Hitler salamına bənzədilməsi ağıl tutulmasıdır. Hitler salamı almanların milli simvolu deyil, ancaq boz qurd türk millətinin minillik zəngin mədəniyyətində mövcud olan anlamlı, əhəmiyyətli və qiymətli bir motivdir. Milli dəyərlərimizin bir parçası olan boz qurd motivinin istifadəsi necə qadağan edilə bilər? Almaniyada yaşayan türklər ən təbii, demokratik və qanuni hüquqlarından necə məhrum edilə bilər? Almaniya bayrağında yer alan qartal, fransızların simvolu xoruz, ispanları təmsil edən buğa zərərsiz simvollar olduğu kimi, bozqurd da türklərin rəmzidir. Avropada bunlar da qadağan ediləcək? Milli simvollarımızın qadağan edilməyə çalışılmasının arxasında eyni zamanda Türkiyə və türk qorxusu dayanır”, - MHP sədrinin müavini bildirib.