Rusiya donanmasının göstərdiyi manevrlərdən sonra ABŞ-ın Avropaya hərbi dəniz donanması göndərəcəyi müzakirə olunur.

Axar.az xəbər verir ki, bu sözləri ABŞ Donanmasının komandiri Con Riçardson İngiltərənin "Faynənşl Tayms" qəzetinə müsahibəsində deyib.

Hərbçinin sözlərinə görə, Rusiyaya məxsus gəmi və sualtı qayıqlar son 20 il ərzində görünməmiş bir səviyyədə inkişaf edib. Bu səbəbdən ABŞ-ın adekvat addımlar atacağı istisna olunmur:

"Rusiyanın Qara və Aralıq dənizindən Sakit okeana qədər uzanan manevrləri qarşısında ABŞ donanması qlobal gücünü yenidən göstərməlidir. Moskvanın dəniz donanması 20 il əvvəl olduğu qədər aktivdir. Uyğun bir tarazlıq təmin etmək üçün qüvvələrimizi bölüşdürməliyik. ABŞ donanması Avropa və Sakit okeandakı gücünü genişləndirmək haqda fikirləşir".