Rəsmi Ankara ABŞ-ın hərbi yardım edəcəyi Suriya Demokratik Qüvvələri ilə bağlı narahatlığını dilə gətirib.

Axar.az xəbər verir ki, prezident administrasiyasının sözçüsü İbrahim Kalın Suriya Demokratik Qüvvələri adlanan təşkilatın PYD ilə yaxın olduğunu açıqlayıb.

"Təşkilatın quruluşu məlumdur. PYD ilə çox sıx əlaqələri var. Bu barədə narahatlığımızı ABŞ-a bildirmişik", - Ankara rəsmisi qeyd edib.

Xatırladaq ki, ABŞ PYD, Suriya Ərəb Koalisiyası və Suryani Hərbi Şurasını bir araya gətirərək Suriya Demokratik Qüvvələri adlı təşkilat yaradıb. Vaşinqton bundan sonra silah yardımının YPG-yə yox, bir başa yeni qurulan təşkilata ediləcəyini açıqlayıb.