Cinayət törədən miqrantların ölkədən deportasiya edilməsi qaydaları asanlaşdırılmalıdır.

Axar.az xəbər verir ki, bu sözləri Almaniya kansleri Angela Merkel yeni il gecəsi Köln şəhərində baş verən kütləvi zorlanma olayına münasibət bildirərkən deyib.

"Bir cinayət törədilibsə, bunun bədəli olmaldır. Dünən Türkiyə Baş naziri Əhməd Davudoğlu ilə miqrant böhranı ilə bağlı telefon danışığında müzakirələr apardıq. Mümkündür ki, Türkiyə Livan və İordaniyadan gələn suriyalılara viza tətbiq etsin. Bu ölkələrdə suriyalı miqrantlar olduqca ağır vəziyyətdə yaşayırlar. Viza tətbiq edilməsi ilə bağlı dünəndən etibarən müzakirələr başlanıldı. Digər tərəfdən Türkiyə hökuməti suriyalı miqrantları işlə təmin etmək fikrindədir. Hələlik bununla bağlı konkret addımlar atılmayıb", - Merkel vurğulayıb.

Qeyd edək ki, Almaniyanın Köln şəhərində Şimali Afrika və Ərəb ölkələrindən olan miqrantlar yeni il gecəsi vağzalda 100-ə yaxın qadını zorlayıb. Faktla bağlı araşdırma aparılır.