Uşaqlara xəstəlik zamanı qızdırmanın salınması üçün dərman verəndə diqqətli olmaq lazımdır. Hətta ən təsirsiz hesab edilən dərmanın belə yan təsirləri ola bilər.

Axar.az xəbər verir ki, bu sözləri pediatr Altay Abdullaoğlu son vaxtlar uşaqlarda tez-tez müşahidə edilən qızdırma-hərarətin salınması üçün istifadə olunan dərmanlarla bağlı qeyd edib.

Həkim bildirib ki, hətta “Porestamol” dərmanının da fəsadları ola bilər:

“Bu dərmanı istifadə etdikdən sonra, xüsusilə uşaqlarda mədə-bağırsağın, ürəyin, tənəffüs siteminin, dərinin, qaraciyərin, böyrəyin, sinir sisteminin, göz və qan xəstəliklərinin problemləri ortaya çıxa bilər. Lakin valideynlər bunu zərərsiz dərman olaraq bilir və onu çox rahatlıqla istifadə edirlər”.