Rusiya çalışır ki, yeni Yalta konfransı təşkil etsin.

Axar.az xəbər verir ki, bunu Ukrayna mətbuatına müsahibəsində rusiyalı politoloq İqor Eydman söyləyib. Onun sözlərinə görə, Putin Trampla birgə Şərqi Avropa və Yaxın Şərqi təsir zonalarına bölməyə çalışır:

"Plana görə Polşa ilə İraq Amerikaya, Suriya ilə Ukrayna isə Rusiyaya verilməlidir. Məncə Tramp Putinin bu planı ilə razılaşacaq. Əksər respublikaçıların bununla razılaşmaması artıq başqa məsələdir. Bu istiqamətdə Trampa həmçinin qərbi avropalı müttəfiqləri də təzyiqlər edəcək. Bu qüvvələr çalışacaqlar ki, Tramp tam şəkildə Ukraynanı Moskvanın tabeliyinə versin".